Google tag gateway nədir və saytınıza necə qurulur

Saytınıza GA4 və ya Google Ads teqi qurulanda brauzer həmin teqi googletagmanager.com ünvanından yükləyir. Bu ünvan başqa bir domendir, yəni üçüncü tərəfdir.

Google tag gateway bunu dəyişir: teq sizin öz domeninizdən yüklənir. Ziyarətçinin brauzeri Google-a deyil, sizin sayta müraciət edir.

Google ilk sınaqlarda orta hesabla 11% siqnal artımı bildirir. Bu Google-un öz rəqəmidir; sizin saytınızda nə çıxacağını ölçmədən demək olmaz.

Niyə lazımdır

Üç səbəb var və üçü də ölçülə bilir.

Reklam bloklayıcılar. Bir çox bloklayıcı siyahısı googletagmanager.com ünvanını tanıyır və sorğunu dayandırır. Teq öz domeninizdən gələndə bu siyahılar onu tanımır.

Brauzer məhdudiyyətləri. Safari və digər brauzerlər üçüncü tərəf konteksti ilə yazılan kukiləri qısaldır. Birinci tərəf kontekstində vəziyyət yaxşılaşır.

Şəbəkə səviyyəsində əngəllər. Bəzi korporativ şəbəkələr və DNS filtrləri Google domenlərini bağlayır. Sayt açılır, ölçmə işləmir.

Nəticə hər üç halda eynidir: satış baş verir, hesabatda görünmür.

Server-side konteyner ilə eyni şey deyil

Bunlar tez-tez qarışdırılır.

Server-side GTM-də ayrıca bir server işlədirsiniz: aylıq xərci və baxımı olan bir xidmət. Teqlər orada işlənir.

Tag gateway-də belə bir server yoxdur. CDN-iniz müəyyən bir yol prefiksinə gələn sorğuları Google-un ünvanına ötürür. Sizin infrastrukturunuzda işləyən kod yoxdur, emal olunan data yoxdur. Sadəcə yönləndirmə var, ona görə də əlavə server xərci yoxdur.

Bütün provayderlərdə eyni beş addım

İnterfeys fərqlidir, iş eynidir.

G-XXXXX sizin GA4 ölçmə identifikatorunuzdur. Yol prefiksini özünüz seçirsiniz, amma iki qayda var: kök yol (/) işlənmir və seçdiyiniz yol saytda boş olmalıdır. Mövcud bir yolu seçsəniz o səhifə açılmaz.

Provayderə görə addımlar

Cloudflare

Ən qısası budur. Azərbaycanda saytların əksəriyyəti Cloudflare-dədir, ona görə çox güman sizin halınız da budur.

1. CNAME qeydi: fps → G-XXXXX.fps.goog
2. Origin Rule, uyğunluq ifadəsi:

(http.host eq "sizinsayt.az" and starts_with(http.request.uri.path, "/olcme"))

Qaydada Host başlığını G-XXXXX.fps.goog kimi yenidən yazın.

3. Ayarlarda Add visitor location headers açılır. Bu addım buraxılsa coğrafiya yoxlaması uğursuz olur.

Google Cloud

External Application Load Balancer üzərindən qurulur: Internet network endpoint group yaradılır (FQDN G-XXXXX.fps.goog, qlobal), sonra measurement-be-svc adlı backend service əlavə olunur və sorğu başlıqları təyin edilir:

Host: G-XXXXX.fps.goog
X-Forwarded-CountryRegion: {client_region_subdivision}
X-Forwarded-Geolocation: latlong={client_city_lat_long};city={client_city}

Yönləndirmə qaydası: host *, yol /olcme/*, backend measurement-be-svc.

Amazon CloudFront

Bir origin, bir behavior. Origin domeni G-XXXXX.fps.goog, protokol HTTPS Only.

Behavior-da diqqət tələb edən ayarlar: yol şablonu /olcme/*, Compress objects automatically = No, Cache policy = CachingDisabled, Origin request policy = AllViewerExceptHostHeader, icazə verilən metodlar GET, HEAD, OPTIONS, PUT, POST, PATCH, DELETE.

Sonuncu vacibdir: standart behavior yalnız GET və HEAD buraxır, POST ilə gedən ölçmə sorğuları düşür.

Akamai

Property konfiqurasiyasına yeni versiya açılır. Qayda adı Route measurement, uyğunluq Path = /olcme/*, Origin Server Hostname G-XXXXX.fps.goog, Forward Host Header ayarı Origin Hostname olur.

Coğrafiya üçün Content Targeting (EdgeScape) davranışı əlavə edilir və Enable dəyəri true edilir.

Fastly

Burada əl ilə kod yazılır. Condition tipi Request, şərt req.url.path ~ "^/olcme". Host fps.goog, Override host eyni dəyərə qoyulur.

Sonra iki VCL parçası əlavə olunur, ikisi də eyni kodu daşıyır: biri vcl_miss, biri vcl_pass içinə.

set bereq.http.X-Gtg-Tag-Id = "G-XXXXX";
set bereq.http.X-Forwarded-Country = client.geo.country_code;
set bereq.http.X-Forwarded-Region = client.geo.region;

İkisinin də əlavə edilməsi lazımdır. Yalnız vcl_miss qoyulsa keşi keçən sorğular başlıqsız gedir.

Yoxlama: iki ünvan

Qurulum bitəndən sonra Google-un iki yoxlama ünvanı var. İkisi də düz mətn ok qaytarır.

https://sizinsayt.az/olcme/healthy
https://sizinsayt.az/olcme/?validate_geo=healthy

Birincisi ok verib ikincisi verməsə, yönləndirmə işləyir amma məkan başlıqları ötürülmür: Cloudflare-də "Add visitor location headers", Akamai-də EdgeScape, Fastly-də VCL parçaları çatışmır.

Ən çox buraxılan addım

Qurulum bitdi, iki ünvan da ok verir. Amma saytın teq yükləyicisi hələ də köhnə ünvanı çağırır:

j.src = 'https://www.googletagmanager.com/gtm.js?id=' + i + dl;

Bu halda gateway quruludur və heç kim ondan istifadə etmir. Konteyner Google-dan yüklənir, ölçmə sorğuları da Google-a gedir. Yoxlama yaşıl görünür, qazanc sıfırdır.

Düzəlişi bir sətirdir: yükləyicidəki ünvan öz yolunuza dönür.

j.src = '/olcme/gtm.js?id=' + i + dl;

Lokal işləyəndə o yol olmadığına görə dəyəri mühit dəyişənindən oxuyun və boş olanda googletagmanager.com ünvanına düşürün.

Şəbəkə tabında nə görünməlidir

Brauzerdə Inspect, sonra Network tabı, səhifəni yeniləyin.

gtg_health=1 sorğusu normaldır, silinmir: teq gateway-in ayaqda olub olmadığını oradan öyrənir.

Üçüncü sətir hələ də qırmızıdır. Konteyner birinci tərəfdən gəlir, amma içindəki teqlər köhnə ünvana göndərməyə davam edir. Yol bunu daşıya bilir, infrastrukturda çatışmazlıq yoxdur:

Bu mərhələdə növbə CDN-də deyil, GTM tərəfindədir: konteyneri yenidən dərc etmək və Google teqinin ayarlarını yoxlamaq lazımdır. İnfrastrukturu qurub konteyneri dərc etməyi unutmaq bu qurulumun ən çox ilişdiyi yerdir.

Beş maddəlik yoxlama

Qurulumun bitdiyini heç bir ekran sizə demir. Bu beş maddəni bir-bir keçin; hamısı düzgündürsə gateway həqiqətən data daşıyır.

4Konteyner yenidən dərc olunub?GTM

Harada

Tag Manager, sağ yuxarıdakı Submit və versiya tarixçəsi.

Düzgün cavab

Yükləyici dəyişikliyindən sonra alınmış versiya var.

Səhvdirsə

Son versiya qurulumdan köhnədirsə teqlər köhnə konfiqurasiya ilə işləyir: konteyner birinci tərəfdən gəlir, amma teqlər ölçməni yenə Google ünvanına göndərir.

5Hadisələr hesaba çatır?GA4

Harada

GA4, Hesabatlar, Real vaxt. Başqa cihazdan saytı açın.

Düzgün cavab

Öz ziyarətiniz otuz saniyə ərzində siyahıda görünür.

Səhvdirsə

Network tabında sorğu 200 qaytarıb GA4-də heç nə görünmürsə problem gateway-də deyil, ölçmə identifikatorunda və ya razılıq vəziyyətindədir.

Beşinci maddə niyə sonda: ilk dördü infrastrukturu yoxlayır, beşincisi nəticəni. İnfrastruktur düzgün olduğu halda beşinci maddə keçmirsə gateway-ə toxunmayın, ölçmə tərəfinə baxın.

Nəyi həll etmir

Sonuncu sətir ən vacibidir. Konversiyanız real satışla uyğun gəlmirsə, əvvəl oranı düzəldin.

Bir də sənədləşdirilmiş məhdudiyyət var: <noscript> hissəsi dəstəklənmir. GTM-in <noscript> iframe-i www.googletagmanager.com ünvanında qalır.

Sıra

1. Yol prefiksini seçin, saytda boş olduğuna əmin olun
2. CDN-də yönləndirməni və coğrafiya başlıqlarını qurun
3. İki yoxlama ünvanını çağırın, ikisi də ok verməlidir
4. Yükləyicidəki ünvanı öz yolunuza çevirin
5. Network tabında host siyahısını yoxlayın
6. GTM konteynerini yenidən dərc edin
7. GA4-də real vaxt hesabatında hadisələrin gəldiyini görün

Dördüncü addımı buraxsanız, birincidən üçüncüyə qədər gördüyünüz iş yoxlamada yaşıl görünür və heç bir fayda vermir.